![](https://static.wixstatic.com/media/6bc31d_996303c4e71b4cab97e14f025ad43094~mv2.jpg/v1/fill/w_888,h_612,al_c,q_85,enc_auto/6bc31d_996303c4e71b4cab97e14f025ad43094~mv2.jpg)
![](https://static.wixstatic.com/media/6bc31d_57178509e0864418962ed1e057eb5ccb~mv2.jpg/v1/fill/w_180,h_60,al_c,q_80,usm_0.66_1.00_0.01,enc_auto/6bc31d_57178509e0864418962ed1e057eb5ccb~mv2.jpg)
1973-Allir í bátana
![gamlar-myndir-008.jpg](https://static.wixstatic.com/media/6bc31d_74602ab78b1a4455bf85cc8977dd0fd6~mv2.jpg/v1/fill/w_647,h_446,al_c,q_80,usm_0.66_1.00_0.01,enc_auto/6bc31d_74602ab78b1a4455bf85cc8977dd0fd6~mv2.jpg)
![279093458_10160078214602841_4307309793595696924_n.jpg](https://static.wixstatic.com/media/6bc31d_13475db8bb3f46ddbd7f1a06f439db98~mv2.jpg/v1/fill/w_339,h_461,al_c,q_80,usm_0.66_1.00_0.01,enc_auto/6bc31d_13475db8bb3f46ddbd7f1a06f439db98~mv2.jpg)
Jón Freyr Jóhannsson
Lector við Háskólann í Bifröst
Foreldrar :
Freyja Sigmundsdóttir og
Jóhann Björnsson
Hér rifjar Jón Freyr upp gos nóttina
Bankað á dyr
Ég eins og allir 1973 Vestmannaeyringar þá á ég mínar minningar frá 23. janúar 1973
Var nokkuð sæll með stærðfræði-miðsvetrarpróf og bjóst við góðum árangri í miðsvetrarprófum, sem byrjuðu mánudaginn 22. janúar.
Ég og Lárus Ársælsson höfðum, í vinfengi, barist um hæstu einkunn í stærðfræði og var svo enn þennan dag að ræða, sem aðra.
Nóttin var rofin af banki á útidyr, og eins og eðlilegt var, þá efuðumst foreldar mínir um að Síi „fyrir neðan“ væri ódrukkinn og að hann væri sá rétti að túlka að um eldgos væri að ræða þessa nóttina.
Hann bar fregnir um eldgos og var nokkuð ákveðinn um þá skoðun sína
Afi, Jón Sveinsson, á Nýlendu, hafði vaknað við kall úr megafón slökkviliðs bæjarins og komið á Hólagötuna til okkar.
Palli Helga á Hólagötu 16 var, eftirminninnlega að tala við einhvern fyrir sunnan í sinn síma (í langri snúru sem var ekki viðurkennd af Pósti og Síma) og sagði okkur hafa lengi vantað meira byggingarmöl fyrir bæinn og þetta væri því allt hið besta mál, og nóg af möl!!
Framhald sögu okkar Hólagötu og Nýlendubúa var síðan eins og margra, við stukkum um borð á næsta bát (örugglega flóknara en ég man) og vorum skráð og merkt, eins og Jesúforeldrum sjálfum, meðhöndluð eins og hælisleitendanum mögulega.
Allt er síðan í einhverri móðu. Allt gerðist undireins og samtímis, gos, sigling, rútuferð frá Þollák, skráning í Austurbæjarskóla (líklega eins og í Betlehem) og svo einhver ferð í Hafnarfjörðinn, til bróðurs pabba, Ragnars Björnssonar og Dúu hans konu.
![1937387_113904092840_7587888_n.jpg](https://static.wixstatic.com/media/6bc31d_35e17de9568b4f21b83a853574f3bab8~mv2.jpg/v1/fill/w_316,h_340,al_c,q_80,usm_0.66_1.00_0.01,enc_auto/1937387_113904092840_7587888_n.jpg)
Jón Freyr fór eins og flest eyjabörn á hans aldri til Noregs sumarið 1973
Hér er hann með Staff fjölskyldunni sem hann var hjá í Noregi
bjuggu þau rétt fyrir utan Tromsö
Tveimur vikum seinna í Kópavoginn til Hildar og Magga í Hrauntunguna.
Af okkur er helst að segja að allt gekk okkur í hag, gott fólk sem sá um okkur.
Það sem ég vil þó helst minnast er að Ólöf Margrét Magnúsdóttir, okkar sá sig knúna til að láta okkur í 4 ÓM safnast saman og kynnast aftur á Kópavogsbrautinni, til að að gefa okkur tækifæri til að kynnast aftur við breyttar kringumstæður
Endalausir þakkir til, Ólafar Margrétar Magnúsdóttur, við gleymum þér aldrei
Kveðja, Jón Freyr Jóhannsson
p.s. Pínulítið Svekktur yfir þessu "Fífli" frá Grindavík"
( báturinn sem hann sigldi með hét Fífill)
Hafa samband við 1973 í bátana
Ef þið hafið sögu / viðbætur sem þið viljið deila með okkur eða bara einhverjar leiðréttingar á villum sem þið sjáið á síðunni endilega sendið á okkur , netfangið er hér til hliðar